الرئيسيةبحـثدخولالتسجيل

شاطر | 
 

 شكرا حبيبتي ... روايه بقلم منار وبرشــا ( المشهد السادس

اذهب الى الأسفل 
كاتب الموضوعرسالة
عاشق الابداع
عضو ذهبي
عضو ذهبي
avatar

رسائل جديد الورد sms رسائل جديد الورد sms : والله لو يعلم الحب مدى حبي لك لتمنى الحب ان يكون حبيبي
وسام التميز : وسام الابداع
العمل : محاسب
عداد المشاركات : 516
تاريخ الميلاد : 21/03/1984
تاريخ التسجيل : 15/09/2009
العمر : 34

مُساهمةموضوع: شكرا حبيبتي ... روايه بقلم منار وبرشــا ( المشهد السادس   الجمعة أكتوبر 23, 2009 7:22 am

6 - اول يوم دراسي ......







كان صباح غير عادي ... صباح غير كل يوم ... كان صباح اول يوم دراسي
صباح كان علي صوت ام كلثوم بيقول صباح الخير يللي معانا والكروان غنا في الراديو
صباح بنور الشمس اشرق في كل مكان ... صباح كان كله نشاط من مني
قامت مع اذان الفجر لتصلي وتجهز كل شئ لهم من ملابس وافطار بالرغم من انها كانت
حضرت لكل شئ من المساء وكان يكفي ان تقوم ملك ومحمود بالباقي ولكنها صممت
ان تقوم هي بكل شئ وبعد ان جهزت كل شئ دخلت الي غرفه ملك ومحمود فوجدت ملك مستيقظه وتردد كلمات اغنيه ام كلثوم ... فانتبهت ملك لوالدتها



ملك : صباح الخير يا ماما
مني : صباح الخير ياروح ماما صحي اخوكي محمود على ماحضر لكم الفطار
يلا يا ملك مش عيزه تاخير انتى لسه هتلبسي
بسرعة
ملك : محمود يا محمود اصحه متغلبنيش بلاش دلع بئا انا كدا هتاخر
تعالى يا ماما صحي ابنك
مني : قوم يبني بئا هو احنا هنرجع للموال ده تاني من اول يوم
وانتى يا ملك وطي صوت الراديو ده على الصبح... لاحسن بابا يصحي ويعملنا قلق
لسه ساعتين علي ميعاد شغله
ملك : حاضر يا ماما بس فين الجاكت البيج اوعى تكونى نسيتى تكويه
مني ..لاء عندك متعلق فى الدولاب ... بسرعه بس عشان الوقت ... انا جهزتلك السندوتشات عشان تأخذيها معاكي
ملك : هههههههههههه انتى بتقولى ايه هو انتى فاكرنى فى المدرسة دى كلية يا ماما يعنى ذيادة فى المصروف وانا هتصرف بره
مني : اااااااااااه الذيادة دى تتكلمى مع بابا فيه ده مش اختصاصي
وخلصي بئا خلي اليوم ده يعدى على خير
محمود ياللا يا حبيبي مش تتعبني معاك ... كده هتتاخر
محمود : انا مش هاروح النهارده ... انا عايز انام
مني : ياه انت يظهر كده عايز بابا اللي يجي يقومك
محمود : خلاص قايم اهه ... مفيش داعي نسمع محاضره ع الصبح
فضحكت مني وملك


ملك : انا خلاص خلصت ونزله اهو يلا ايدك على 50 جنية
منى : ايييه مفيش غير 20 جنية ولما ترجعي نتحاسب
ملك : هو يوم باين من اوله هاتى وامرى لله اكمل من جيبي هاتى بوسة بئا ودعيلي
مني : روحي يا ملك يابنتى يجعلك فى كل خطوه سلامه ويوقفلك ولااد الحلال
نزلت ملك وكلها حيويه ونشاط وتحمس لاول يوم دراسي في الجامعه
ملك : تاكسي .... جامعة القاهره







وصلت ملك الي الكليه ... كانت الذهول والارتباك حالها .. ما كل هذا الكم من الطلبه
جو غريب لم تعتاده ... اختلاط لم تتوقعه .... وشعرت للحظات بانها في سنتر او مركز تجاري
كانت تريد ان تعلم اين جدول المحاضرات فالتفتت حولها فوجدت مجموعه هادئه تقف الي الجوار فذهبت اليهم لتسألهم


ملك : صباح الخير يا جماعة ممكن حد يدلنى على مكان جدول المحاضرات


فاجابوها اين تجده فشكرتهم واستأذنتهم لكي تذهب الي هناك


وهناك وجدت عدد كثير من الطلبه ينقلون الجدول مثلها ودون اي سابق انذار وجدت من يخاطبها


امجد : انتي طالبه معانا هنا في القسم
ملك : نعم ....


ضحك امجد واعاد سؤاله


امجد : انتي طالبه معانا هنا في القسم


ملك : اه ... قالتها بتوتر


امجد : وطب مالك مرتبكه كده وقلقانه ... اي حاجه انا معاكي مش تقلقي


ملك : شكرا ... بعد اذنك


وتحركت مغادره المكان ومتوجهه الي احدي الطالبات


ملك : بعد اذنك ممكن انقل الجدول منك


مريم : طبعا .... بس تعالي نلحق بس اول محاضره عشان هتبتدي حالا وبعدها نتصرف
دخلت ملك قاعة المحاضرات بتتلفت حوليها مبهوره بجو الsa
ملك : فى همس يووووه انت هنا كمان
مريم : هو مين ده
ملك : ايه ده هو انتى سمعتيني
مريم : اه سمعتك بس خلينا نتتبه الاول لدكتور ياريت نركز من اولها
خرجت ملك وكانت بصحبتها مريم من قاعة المحاضرت بعد خروج الدكتور
وامجد كان متابع لكل تحركاتها من بعيد
ملك : صحيح انتى اسمك ايه انا ملك وانتى
مريم : انا اختك مريم وياريت نكون اصحاب
ملك : نكون احنا لسه هنخد وقت احنا بئينا خلاص
مريم : مش قلتي ايه اللى كان منرفزك كدا فى المحاضره
ملك : شخصية غريبه وواضح كدا ان دمه يلطش
مريم : مين ده ......... وفى الوقت ده نده خالد على اخته مريم
تعالي يا خالد لما اعرفك على ملك معايا فى نفس القسم
خالد : اهلا ملك الكلية نورت
فردت ملك بكسوف
ملك : الكلية منوره بأهل العلم اهلا بيك خالد
مريم : خالد اخويا معيد معانا على فكره يا خالد ملك مزعوجه جدا من شاب هنا
خالد : مين ده شوريلي عليه من بعيد خليني اقولك ده من
ملك : لاء بليز خالد مش عايزه مشاكل
خالد : مشاكل ايه يابنتى هو انا هاروح اضربه احنا بس نعرف مين
ملك : اهو اللى هناك ده بيضحك بصوت عالى


خالد : اه امجد ابو السعود ده بئا ياستي شخصيه افضل ان انتى متقربيش ليها باي حال من الاول لانه من الناس اللى بتتكلم بالفلوس وشخصيه كل حاجه عندها عادى حتى جرح الناس
ملك : اعوذ بالله .بس ده واضح انه كبير عن باقي الشباب
خالد : ما انا لسه بقولك اهو معه فلوس ايوه ياستي امجد بيعيد السنه للمره الثالثه على التوالى
ملك : ياااه ... انا فعلا مش ارتحتلوا من اول كلمه ليه معايا
طب استأذنكم انا بقي ... بكره انشاء الله يا مريم نتقابل قبل المحاضره
مريم : ماشي يا ملك هستناكي في نفس المكان ... سلام
وغادرت ملك في طريقها الي المنزل وشعرت باطمئنان بعد ان ابتعدت عن نظرات
امجد
كان طريق عودتها وهي تفكر كيف حال ايهاب فهي لا تستطيع المرور عليه اليوم
حتي تبدأ معه شرح المحاضرات
فاليوم هو ذكري اول يوم دراسي .... ذكري وفاه حنان
كيف هو حاله الان ......
الرجوع الى أعلى الصفحة اذهب الى الأسفل
كلااااااش
الادارة
الادارة
avatar

رسائل جديد الورد sms رسائل جديد الورد sms : ما أصعب أن تبكي بلا..." دموع".....وما أصعـــــب..أن تذهب بلا " رجوع

وما اصعب أن تشعر "" بالضيق"....وكأن المكان من حولك ..." يضــــــيق



وسام التميز : صاحب الحضور الدائم
العمل : طيار
عداد المشاركات : 207
تاريخ الميلاد : 05/08/1992
تاريخ التسجيل : 04/10/2009
العمر : 26
العمل/الترفيه العمل/الترفيه : الرياضة

مُساهمةموضوع: رد: شكرا حبيبتي ... روايه بقلم منار وبرشــا ( المشهد السادس   الأحد أكتوبر 25, 2009 9:56 pm

شكراّ على هاذي القصه الجميله والله يعطيك الف عافية
الرجوع الى أعلى الصفحة اذهب الى الأسفل
 
شكرا حبيبتي ... روايه بقلم منار وبرشــا ( المشهد السادس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جديد الورد , منتدى جديد الورد , جديد الورد :: الاقسام الادبيه :: قصص - روايات-
انتقل الى: