ألف مشتاق

موضوع: ألف مشتاق الإثنين أكتوبر 25, 2010 12:22 pm

الف مشتاق ...

محمد بن راشد آل مكتوم

طال الغياب ولا مني من أوده

وبقدر طول الغيبه ايطول لعناق
يامالك قلب وصوبك تحده

إن كنت مشتاق فنا ألف مشتاق
تدري الفراق يجدد الحب عهده

وانا من الفرقا على جمرك حراق
شرق وغرب صاحب الشوق حده

حر جناحه دايم الوقت خفاق
ياكم تريا اللحظه اللي ترده

كنه من الفرقا الى الموت ينساق
وكانه تذكر من كسى الورد خده

جرى على خده من الدمع مهراق
هذا امتحان للغلا فيه شده

ان كان مازلنا مثل قبل عشاق
مغلا النهار ان الليالي تضده

لو كان سرمد ما أظنه بينطاق
ويزيد غلا اللؤلؤ صعوبة مكده

لو هو رخيص مايعلق في الاعناق
وحتى ربيع الوقت لو طال مده

ماشفت يا خلي له الناس تشتاق